37 mål på bortebane er sterkt, og med det tok laget tilbake kvalikplassen i førstedivisjon. Kaptein Kine Kvalsund og Maria Ulla vart toppscorarar med seks mål kvar.

Sjå bildeserie frå Trondheim over!

Det var difor ein nøgd trenar vi fekk nokre ord med etter kampslutt i Trondheim:
 
– Vi startar kampen best og ledar fort med to til fire mål i 1.omgang. Det er høgt tempo i kampen og det kjem ei periode i slutten av omgangen der vi roter det litt til både i angrep og forsvar. Dette gir Charlottenlund mogelegheita til å kome inn i kampen att, seier trenar Halldór Stefán Haraldsson til voldahandball.no.
 
Den mogelegheita tek trønderane, og det står 16-16 ved pause.

– Vi diskuterte litt i pausa at vi måtte vere raskare tilbake i returløpa og stå tettare i forsvar. I andre omgang startar vi best og kjem inn i kampen med enorm fart framover.

– Vi tar fort leiinga i kampen og ledar med fire til seks mål ut omgangen. 

– Korleis vurderer du denne bortesigeren?

– Det er ein sterk siger mot eit bra lag. Det er altid vanskeleg å spele første kamp etter nyttår og sjølv om vi brukte første omgang til å finne rytmen, så scorar vi heile 37 mål i kampen. Det synest eg er veldig bra. Det er ein nøgd gjeng som er på veg heim til Volda frå Trondheim, seier Haraldsson søndag ettermiddag.

Med sigeren har damene nådd målsetjinga det satte seg før sesongen om å nå 16 poeng. Laget ligg no på tredjeplass i førstedivisjon med 17 poeng, og har med det grep om kvalikplassen på tabellen så langt. 

Neste seriekamp er borte mot Førde søndag 13. januar.

Sjekk tabellen her

Kampfakta:

CHARLOTTENLUND - VOLDA 33-37 (16-16)

VOLDA:
H. Søyseth, A. Ose 2, K. Kvalsund 6, F. Stølen 1, I. Rye 5, M. Nornes 3, H. Ræstad 1, P. Ingebrigtsen, I. Karlsen, E. Sætre 2, L. Vik 2, M. Ulla 6, T. Sturludottir 5 og A. Zimny 4.

Toppscorar CSK:
V. Bækken 12 mål

Utvisingar:
CSK 5x2 min
Volda 2x2 min