Nye kampar i Regionserien J16

Laurdag morgon reiser regionslaget til Volda/Ørsta til Trondheim for å spele mot Utleira og Melhus.

Volda/Ørsta står så langt i Regionserien med full pott etter at laget slo Klæbu (19-18) og Orkanger (24-14) i sine to fyrste kampar. Det er tolv jenter (fødde i 2008 og 2009) frå Volda og Ørsta som er med nordover denne helga. I kvalifiseringa til Regionserien i slutten av august tapte jentene mot Utleira. Det er derfor ein skjerpa gjeng som er klare for å vise meir musklar mot både Utleira og Melhus på søndag. Jentene har med seg ein ivrig heiagjeng og gler seg til helga.

Kampane går søndag 24. november kl. 10.00 og 14.00 i Utleirahallen.