Stor handballhelg i Volda

Denne helga kan vi glede oss til mange spennande kampar. I tillegg til oppgjeret mellom Volda og Vålerenga i 1. divisjon er det ei rekke andre kampar i Volda campus Sparebank1 arena å sjå fram til.

Volda tronar øvst på tabellen i 1. divisjon etter ei lang rekke sterke resultat den siste tida. På søndag er det Vålerenga som er motstandar, eit lag som så langt i sesongen står utan poeng. Då laga møttest i Oslo i haust vann Volda 39-22, så heimelaget må nok reknast som favorittar.

I Regionserien for J16 skal Volda/Ørsta spele to kampar mot trøndersk motstand. Volda/Ørsta ligg på tredje plass med seks poeng på fire kampar og møter Byåsen laurdag klokka 18.00 og Charlottenlund søndag klokka 09.30. Her vil vi få høve til å sjå mange unge lokale talent som etter kvart også vil kunne utmerke seg som seniorar.

Vårt lag i 2. divisjon er også ein viktig arena for utvikling, og på laurdag kl. 16.00 tar dei imot Rælingen. Etter halvspelt serie ligg Volda 2 på 10. plass, fire poeng bak Rælingen, så dette kan bli eit jamt oppgjer.

I tillegg til alle desse kampane skal også laget vårt i 4. divisjon og fleire aldersbestemte lag i aksjon, så denne helga er Volda campus Sparebank1 arena staden for mykje spenning og god underhaldning.

Sjå Banedagbok for tider: https://www.handball.no/system/banedagbok/?venueUnitId=33774