Denne helga skal Volda ut i ny heimekamp, denne gang mot Trondheim TH. Trøndarane har så langt sanka 8 poeng og står i fare for å rykke ned.

Etter nederlag mot Flint og Utleira heng Volda sitt håp om ein kvalikplass i ein svært tynn tråd.

– Vi har hatt to tøffe tap bak oss no. Eg synest vi har fått dårleg betalt poengmessig for gode prestasjonar, men vi har møtt to gode lag, og eg synest fortsatt at vi er i framgang. Det manglar litt på individuelle tekniske feil, men det skal vi klare å luke bort, fortel Voldatrenar Reidar Møistad.

– Vi er veldig motivert for å gjere ein god innsats ut sesongen. Det ser tøft ut å kunne krabbe heilt opp på kvalikplass no, men det er ikkje over før det er over. Det er mange kampar igjen, og vi legg oss ikkje ned sjøl om vi har fått to tap som sjølvsagt svir mot to topplag.  

– Det ser ut til at alle spelarane er friske og raske til kampen mot Trondheim, så vi krummer nakken og er klare for å kjempe vidare. Vi håper vi får like mange i hallen som vi hadde sist, der vi skal gjere vårt for å gje god underhaldning, avsluttar Reidar.

Kampstart Volda – Trondheim Topphåndball søndag 22. februar kl. 16.00 i Volda campus Sparebank1 arena.

Billettar kan kjøpast under i link, i app eller ved inngang

https://voldahandball.woow.no/home