Trenaren har ordet

Denne helga reiser Volda til Oslo for å møte Aker som er ubeseira så langt i sesongen.

– Vi skal til Oslo og møte topplaget i divisjonen, Aker, som har vunne alle sine fem kampar og ser veldig solide ut. Bakerst står ein gamal kjenning av oss, Aud Silseth, som har hatt ein fin sesong så langt, så det blir ei tøff utfordring for oss igjen, fortel Voldatrenar Reidar Møistad.

– Vi har hatt ei god treningsveke, så vi kryssar fingrane for at vi skal kunne gje Aker kamp om poenga. For oss handlar det om å ta ein kamp om gangen. Vi har hatt ei tøff periode for laget, så spelarane vil få nokre dagar med eigentrening heime etter denne kampen. Så skal vi inn i november med fullt trykk der det er fem kampar på kort tid der vi treng alle friske og raske. Vi reiser til Oslo på laurdag, og håper vi kan få eit god resultat mot Aker.

Kampstart Aker – Volda søndag 18. oktober kl. 17.00.